Þyrlan lent á Langjökli - verið að hífa einn upp

Þyrla Landhelgisgæslunnar lenti á Langjökli rétt fyrir klukkan tvö en kona og barna féllu í sprungu á vestanverðum jöklinum fyrr í dag. Skömmu fyrir þrjú var verið að hífa annað þeirra upp, samkvæmt upplýsingum frá Slysavarnafélaginu Landsbjörgu. Engar fregnir hafa borist af líðan fólksins.

Björgunarsveitir Slysavarnafélagsins frá Akranesi, Borgarnesi og höfuðborgarsvæðinu voru kallaðar út um klukkan eitt vegna slyssins. Björgunarsveitir fara akandi og á vélsleðum á staðinn, alls um 80 manns.

Einnig fóru undanfarar úr björgunarsveitum í Reykjavík á staðinn með þyrlu Gæslunnar.