Ekkert varð af því að Hollendingurinn Wesley Sneijder skrifaði undir nýjan samning við Inter í vikunni líkt og búist var við. Nú er hermt að hann skrifi undir samninginn í næstu viku.
Þetta staðfestir umboðsmaður Sneijder, Sören Lerby, en hann segir að nýi samningurinn muni gilda til ársins 2015.
Upphaflega var búist við því að Sneijder myndi skrifa undir samninginn eftir leikinn gegn Tottenham í Meistaradeildinni og að hann myndi vera til ársins 2013.
