Guðmundur tók enga áhættu með Aron Pálmarsson

Aron Pálmarsson var ekkert með íslenska landsliðinu á hraðmótinu í Frakklandi um helgina þar sem að hann meiddist á æfingu fyrir helgi. Aron var eini leikmaðurinn í EM-hópnum sem tók ekki þátt í leikjunum á móti Spáni og Frakklandi.

„Aron fékk högg á hnéð á æfingu. Við tókum enga áhættu og vildum ekki nota hann," sagði Guðmundur Guðmundsson, landsliðsþjálfari og hann er vongóður með að Aron verði orðinn klár fyrir fyrsta leik á EM sem verður á móti Serbum á þriðjudaginn.