Helga Margrét náði ekki sínu besta í kúluvarpinu

Helga Margrét Þorsteinsdóttir varð í 20. sæti í kúluvarpi í sjöþraut kvenna á EM í frjálsum íþróttum sem nú fer fram í Barcelona á Spáni.

Helga Margrét kastaði lengst 12,74 metra en hennar besti árangur er 14,24 metarar og hún á best í ár 13,03 metra.

Hún kastaði 12,44 í fyrstu tilraun og gerði svo ógilt í þeirri þriðju. Hún hlaut 710 stig fyrir árangurinn og er í 24. sæti af 25 keppendum með 2353 stig.

Bretinn Jessica Ennis er efst eftir fyrstu þrjár greinarnar með 3022 stig.