Sigurður Ragnar framlengir við KSÍ

Sigurður Ragnar Eyjólfsson skrifaði í dag undir nýjan samning við KSÍ. Hann mun því þjálfa kvennalandsliðið til ársloka 2012.

Fréttablaðið greindi frá því fyrir nokkrum vikum að það væri aðeins tímaspursmál að semja við Sigurð Ragnar upp á nýtt og hafa menn ákveðið að klára málin fyrir jól.

Sigurður Ragnar hefur náð mögnuðum árangri með kvennalandsliðið og kom því fyrstur allra í lokakeppni stórmóts.

Hann hefur stýrt liðinu í 45 leikjum. 24 þeirra hafa unnist, 5 leikir enduðu með jafntefli og tapleikirnir eru 16.

Næst á dagskrá kvennalandsliðsins er þáttaka í hinu sterka Algarve Cup sem fram fer í mars.