Susan Boyle grætur yfir álaginu

Susan Boyle, sem skaust upp á stjörnuhimininn í sjónvarpsþáttunum Britain's Got Talent hefur íhugað það að hætta í þáttunum. Ástæðan er allt það álag sem fylgir því að vekja heimsathygli. Þetta segir Piers Morgan, einn dómaranna í þáttunum. Morgan segir ennfremur á bloggi sínu að Boyle hafi mikið grátið að undanförnu.

Boyle varð fyrst fræg þegar að myndskeið af henni fór eins og eldur í sinu um netiið. Hún komst á forsíður slúðurblaða fyrr í vikunni þegar að hún missti stjórn á skapi sínu í London eftir að hafa verið áreitt.