Vandræðaleg samtöl í Kjós

„Sé um vanskil að ræða hefur starfsmaður á skrifstofu hreppsins samband við viðkomandi, en það eru að öllu jöfnu vandræðaleg samskipti,“ segir Sigurbjörn Hjaltason oddviti á heimasíðu Kjósarhrepps um milda innheimtustefnu hreppsins sem byggist á því á að treysta á skilvísi gjaldenda.

Sigurbjörn segir hægt að innheimta fasteignagjöld með aðför að fasteignum fólks en að til þess hafi sem betur fer ekki komið.

„Er það eindregin ósk til þeirra sem eru í vanskilum að gjöldin verði gerð upp hið fyrsta ef því er ekki þegar lokið.“ - gar