Jean-Pierre Papin snýr aftur

Franski markahrókurinn Jean-Pierre Papin hefur ákveðið að taka knattspyrnuskó sína niður af hillunni og spila með franska neðrideildaliðinu AS Facture-Biganos Boiens.

Það var þjálfari liðsins sem tilkynnti þetta í dag, en Papin er 45 ára gamall og því má ætla að hinn smái en knái framherji sé kominn af léttasta skeiði.

Papin skoraði á sínum tíma 30 mörk í 54 landsleikjum og var kjörinn knattspyrnumaður Evrópu.

Hann er þekktastur fyrir að hafa spilað með Marseille, Bayern Munchen og AC Milan, en hefur líka þjálfað Racing Strasbourg og Lens.