Annað innbrotið í Langholtskirkju á skömmum tima

Innbrotið í Langholtskirkju í nótt er annað innbrotið í kirkjuna á skömmum tíma. Brotamennirnir sem fóru inn í kirkjuna í nótt höfðu ekkert upp úr krafsinu nema ef vera skyldi að hafa svalað skemmdarfýsn sinni en þeir komust inn með því að brjóta rúðu á skrifstofu kirkjunnar.

Samkvæmt upplýsingum sem fengust í Langholtskirkju var brotist þar inn fyrir um það bil mánuði síðan en þá voru teknir peningar sem höfðu safnast með kortasölu.

Árvökulir íbúar í nágrenni við kirkjuna ættu að gera viðvart ef þeir verða varir við grunsamlegar mannaferðir við kirkjuna að næturlagi.