Innlent

Fær ekki að vitna í grófu ofbeldismáli

Myndin er sviðsett. Mynd/Teitur Jónasarson
Myndin er sviðsett. Mynd/Teitur Jónasarson

Hæstiréttur meinaði fyrr í mánuðinum barnsmóður og fyrrum sambýliskonu meints ofbeldismanns að vitna í máli gegn honum. Maðurinn er talinn hafa beitt aðra konu sem hann bjó með grófu líkamlegu og kynferðislegu ofbeldi á fjögurra ára tímabili.

Talsvert var fjallað um málið í ágúst 2008 þegar Hæstiréttur staðfesti úrskurð héraðsdóms sem hafði hafnað að maðurinn yrði áfram í nálgunarbanni gagnvart konunni. Áður hafði hann setið í gæsluvarðhaldi og verið úrskurðaður í hálfs árs nálgunarbann vegna málsins.

Fékk ókunnuga karla til eiga samræði við sambýliskonu sína

Rannsókn málsins teygði anga sína út fyrir landsteinana, meðal annars til þriggja Norðurlanda, og var ákæra loks gefin út gegn manninum 15. janúar í 15 liðum.

Ákærði er talinn hafa beitt sambýliskonu sína grófu ofbeldi á árunum 2005 til 2008 en myndir og myndbönd sýna merki um miklar barsmíðar. Maðurinn er meðal annars sagður hafa fengið ókunnuga karlmenn sem stundum voru fleiri en einn til að eiga samræði við konuna gegn hennar vilja. Þetta mun maðurinn ýmist hafa ljósmyndað eða tekið upp á myndband.

Aðalmeðferð hefur staðið frá því í febrúar fyrr á þessu ári. Hulda Elsa Björgvinsdóttir, settur saksóknari, sagðist í samtali við fréttastofu binda vonir við að aðalmeðferð málsins ljúki um miðjan júní.

Konunni einungis ætlað að sverta meintan ofbeldismann

Hilmar Ingimundarson, lögmaður mannsins, fór fram á að barnsmóður og fyrrum sambýliskonu hins meinta ofbeldismanns yrði meinað að vitna í málinu. Ætlunin væri einungis að sverta manninn í augum dómsins með framburði hennar. Þau bjuggu saman á árunum 1991 til 1998 og eignuðust saman dóttur.

Ákæruvaldið taldi hins vegar nauðsynlegt að barnsmóðirin kæmi fyrir dóminn til að vitna um meintar kynferðislegar hvatir mannsins og ofbeldishneigð hans.

Hæstiréttur klofnaði

Héraðsdómur úrskurðaði 28. apríl að barnsmóðirin mætti vitna og gefa skýrslu í málinu. Þeim úrskurði áfrýjaði maðurinn til Hæstaréttar sem snéri úrskurðinum við en klofnaði um leið í afstöðu sinni.

Jón Steinar Gunnlaugsson og Viðar Már Matthíasson, settur hæstaréttardómari, meinuðu konunni að vitna á þeim forsendum að hún gæti ekki gefið vitnisburð í málinu um þau atvik sem snúa að ákærunni. Hjördís Hákonardóttir var þeim ósammála og skilaði sératkvæði.




Tengdar fréttir

Réttargæslumaður konunnar sammála lögreglu

Þórdís Bjarnadóttir, lögmaður, er sammála yfirmanni kynferðisbrotadeildar höfuðborgarlögreglunnar sem sagði í viðtali við Fréttablaðið að nálgunarbann eigi að vera undir lögreglu komið. Hæstiréttur hafnaði á dögunum kröfu lögreglu um að framlengja nálgunarbann gagnvart manni sem grunaður er um að hafa ítrekað beitt konu sína grófu ofbeldi og misnotað hana kynferðislega. Þórdís er réttargæslumaður konunnar.

Nálgunarbannsmál sent til Ríkissaksóknara

Lögreglan á höfuðborgarsvæðinu hefur lokið rannsókn á máli sem teygði anga sína út fyrir landsteinanna á meintum brotum manns gegn sambýliskonu sinni. Málið hefur verið sent Ríkissaksóknara sem ákveður í framhaldinu hvort maðurinn verður ákærður.

Telur að ofbeldismaðurinn haldi áfram að beita ógnunum

,,Maðurinn braut nálgunarbannið þó hann hafi ekki ráðist á konuna. Hann hafði samband við hana sem honum var ekki heimilt. Ég sé engin rök fyrir því maðurinn muni ekki halda áfram að beita konuna ofbeldi."

Íþyngjandi að mega ekki beita ofbeldi

Það þykir of íþyngjandi fyrir mann sem hefur beitt sambýliskonu sína hroðalegu andlegu, kynferðislegu og líkamlegu ofbeldi í þrjú ár að mega ekki hafa samband við hana áfram.

Rannsókn á grófum ofbeldisbrotum nær út fyrir landsteinana

Rannsókn lögreglunnar á höfuðborgarsvæðinu á grófum brotum manns gegn sambýliskonu sinni teygir anga sína út fyrir landsteinana. Hæstiréttur staðfesti í gær úrskurð Héraðsdóms Reykjavíkur um að maðurinn, sem talinn er hafa beitt sambýliskonu sína grófu líkamlegu og kynferðislegu ofbeldi á rúmlega þriggja ára tímabil, skuli ekki sæta áfram nálgunarbanni.

Rík ástæða til að fara fram á nálgunarbann

Lögreglustjórinn á höfuðborgarsvæðinu segir að embættið hafi talið ríka ástæðu til að fara fram á áframhaldandi nálgunarbann manns sem ákærður hefur verið fyrir að beita sambýliskonu sína grófu líkamlegu og kynferðislegu ofbeldi.

Lögmaður: Rauf ekki nálgunarbannið

Maður sem grunaður er um að hafa beitt sambýliskonu sína grófu líkamlegu og kynferðislegu ofbeldi braut ekki sex mánaða nálgunarbann sitt gagnvart konunni, að sögn Hilmars Ingimundarson verjanda mannsins.

Lifir í ótta eftir að nálgunarbanni var hafnað

Kona sem var beitt afar grófu líkamlegu og kynferðislegu ofbeldi af sambýlimanni sínum í rúmlega þrjú ár er mjög ósátt við niðurstöðu Hæstaréttar frá því fyrir helgi, að sögn Gunnhildar Pétursdóttur, lögfræðings hennar.

Austurríska leiðin í höndum allsherjarnefndar

Björn Bjarnason segir ákvörðun um það hvort að austurríska leiðin, þar sem lögreglan fengi vald til að fjarlægja ofbeldismenn af heimilum, verði tekin upp hér á landi vera í höndum allsherjarnefndar.

Segir Björn standa í vegi fyrir austurrísku leiðinni

Dómsmálaráðherra hefur komið í veg fyrir að austurríska leiðin verði tekinn upp hér landi, að mati Kolbrúnar Halldórsdóttur. Úrræðið felur í sér að fbeldismaður er fjarlægður af heimili sínu.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið