Norðanstelpur tóku efsta sætið með stórsigri

Þór/KA er komið á toppinn í A-deildinni í Lengjubikar kvenna í fótbolta eftir 4-0 sigur á Aftureldingu/Fjölni í Akraneshöllinni í kvöld.

Þór/KA er með sjö stig en Breiðablik og Valur koma svo í næstu sætum með fimm stig. Stjarnan er svo í 4. sætinu með fjögur stig.

Rakel Óla Sigmundsdóttir, Eva Björk Benediktsdóttir, Vesna Smiljcovic og Arna Sif Ásgrímsdóttir skoruðu mörk Þórs/KA í kvöld.

Þór/KA á eftir að spila við bæði Breiðablik og Stjörnuna en liðið er búið að vinna tvo leiki og gera eitt jafntefli sem var á móti Val.