Menning

Moka Myrká Arnaldar út

arnaldur indriðason Ekkert lát er á vinsældunum og nú stefnir í enn eitt metsöluárið hjá honum.
arnaldur indriðason Ekkert lát er á vinsældunum og nú stefnir í enn eitt metsöluárið hjá honum.

„Já, Myrká mokast út. Mikil söluaukning milli ára," segir Egill Örn Jóhannsson, framkvæmdastjóri Forlagsins.

Útgefendur Arnaldar Indriðasonar tefldu nokkuð djarft þegar þeir boðuðu að fyrsta prentun á nýjustu bók hans yrði í þrjátíu þúsund eintökum. Eru þess engin dæmi að skáldsaga sé prentuð hér á landi í svo mörgum eintökum. Síðasta bók Arnaldar, Harðskafi, seldist í tæplega þrjátíu þúsund eintökum um síðustu jól. En svo virðist sem Forlagsmenn hafi síður en svo ofmetið vinsældir Arnaldar því þegar er um þriðjungur bókarinnar farinn og ekki kominn desembermánuður enn.

„Þetta er ótrúlegt," segir Egill og bendir á að Myrká hafi fengið afbragðs dóma. Svo virðist sem það ætli að ganga eftir sem margir hafa bent á: að kreppan kunni að reynast bókinni vel. Egill gefur í sjálfu sér ekki mikið út á það. Segir of snemmt að segja til um það. En langsamlega stærstur hluti bóksölunnar er eftir og í sögulegu tilliti hefur bókin staðið af sér kreppur. Myrká kom út fyrir tæpum mánuði og Forlagsmenn eru nú þess albúnir að leggja í aðra prentun - nokkuð sem þeir sáu ekki fyrir.





Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.