Metáhorf á Super Bowl

Úrslitaleikurinn í Super Bowl sem fram fór síðustu nótt sló 12 ára gamalt áhorfsmet en 97,5 milljónir manna sátu límdar fyrir framan sjónvarpstækin á meðan á leiknum stóð. Gamla metið var frá 1996 þegar Dallas bar sigurorð af Pittsburgh. Raunar var áhorfið í gær svo mikið að aðeins einn sjónvarpsviðburður státar af meira áhorfi í sögu sjónvarpsins í Bandaríkjunum.

Það met á "M-A-S-H" þátturinn sem gekk undir nafninu Spítalalíf hér á landi. Árið 1983 var lokaþáttur sjónvarpsraðarinnar sendur út og þá settust 106 milljónir manna fyrir framan tækin.