David Hannah hættur hjá Fylki

Meistaraflokksráð Fylkis og skoski varnarmaðurinn David Hannah hafa komist að þeirri sameiginlegu niðurstöðu að best sé að slíta samstarfinu.

Þetta segir í fréttatilkynningu frá Fylkismönnum en þar er David Hannah þakkað fyrir sitt framlag í leik og starfi Fylkis. Hann á alls 20 leiki að baki með félaginu í Landsbankadeildinni.

David Hannah getur ekki skipt yfir í annað lið hér á landi fyrr en félagaskiptaglugginn opnar aftur um miðjan júlí.

Fylkir hefur verið mikið í umræðunni að undanförnu, m.a. vegna fjárhagsvanda félagsins.