Tvíburarnir fara ekki frá FH

Arnar og Bjarki Gunnlaugssynir hafa verið orðaðir við þjálfarastöðuna hjá HK eftir að Gunnar Guðmundsson var rekinn í gær.

Sumarið 2006 tóku þeir við stjórnartaumunum hjá ÍA um mitt sumar og gerðu góða hluti.

Í dag eru þeir leikmenn FH en Pétur Stephensen, framkvæmdastjóri knattspyrnudeildar félagsins, sagði við Fótbolta.net að þeir væru ekki á förum frá félaginu.

„Það er alveg ljóst að Arnar og Bjarki ætla sér að enda tímabilið sem Íslandsmeistarar með FH og eru því ekki á förum frá félaginu," sagði Pétur.