Hver skoraði besta markið í fjórðu umferðinni?

Kosning er nú hafin á visir.is/bestumorkin þar sem hægt er að velja á milli fimm marka um hvert þeirra hafi verið besta mark fjórðu umferð Landsbankadeildar karla.

Alls voru 22 mörk skoruð í leikjunum sex í fjórðu umferðinni en níu þeirra komu í leik Breiðabliks og Grindavíkur sem var lokaleikur umferðinnar og fór fram í gærkvöldi.

Tvö mörk úr þeim leik eru tilnefnd sem besta mark umferðarinnar en Tomasz Stolpa skoraði bæði mörkin. Þá eru bæði mörk FH úr 2-0 sigurleik liðsins gegn KR tilnefnd sem og lokamark leiks Keflavíkur og ÍA.

Í síðustu umferð þótti Grétar Sigfinnur Sigurðarson, leikmaður KR, skora besta markið. Sjá má öll mörkin sem hafa verið tilnefnd til þessa á visir.is/bestumorkin.

Niðurstaða kosningarinnar verður svo kynnt í Landsbankamörkunum á Stöð 2 Sporti á mánudagskvöldið.