Nizza með hrís og hambjöllum

Sælgætisgerðin Nói Siríus hefur nú til meðferðar ábendingu frá neytanda sem varð fyrir þeirri óskemmtilegu lífsreynlu í dag að finna tvö lítil skordýr í súkkulaðistykki af gerðinni Nizza.

Rúnar Ingibjartsson, gæðastjóri hjá sælgætisgerðinni, segir að skordýrin sem fundust hafi verið hamur af tveim hambjöllum. Hann sagði í samtali við Vísi að kannað yrði hvernig skordýrin komust í súkkulaðið. Alvarlegt væri ef það hefði gerst á framleiðslustigi enda væru þá líkur á því að slík dýr finnist í fleiri stykkjum.

Rúnar tekur það hins vegar fram að alveg jafn líklegt sé að skordýrið hefði borist í stykkið þegar það var opnað.

"Við höldum öllum möguleikum opnum og könnum málið nánar," segir Rúnar.