Hólmar og Hörður á leið heim

Samkvæmt heimildum fréttastofu Stöðvar 2 eru Hörður Sveinsson og Hólmar Örn Rúnarsson á leið til Íslands og munu spila með Keflvíkingum í sumar.

Báðir eru á mála hjá Silkeborg í Danmörku en þangað fóru þeir frá Keflavík á sínum tíma. Kristján Guðmundsson, þjálfari Keflavíkur, vildi hvorki neita þessu né játa í morgun.

Samkvæmt heimildum fréttastofu eiga viðræður sér nú stað á milli Keflavíkur og Silkeborgar. Það er því enn óljóst hvort þeir verði orðnir gjaldgengir fyrir leik Keflavíkur gegn Val á morgun.