Grindavík fær slóvenskan miðjumann

Grindavík hefur fengið slóvenska miðjumanninn Aljosa Gluhovic frá Hetti. Gluhovic er fæddur 1985 og hefur leikið með Hetti í 2. deildinni síðustu tvö tímabil.

Aljosa skoraði mark Hattar í 2-1 tapi í bikarleik gegn Grindavík fyrir skömmu. Hann er kominn með leikheimild og er því löglegur fyrir leik Grindavíkur gegn KR í kvöld.

Hann er þriðji leikmaðurinn sem fær leikheimild með Grindavík nú þegar félagaskiptaglugginn er opinn. Hinir eru gabonski framherjinn Gilles Mbang Ondo og Grétar Ólafur Hjartarson.