Miðstöð Boltavaktar Vísis og Fréttablaðsins opnuð

Nú hefur verið opnað fyrir Miðstöð Boltavaktar Vísis og Fréttablaðsins þar sem lesendum síðunnar gefst sá kostur að fylgjast með öllum fimm leikjum kvöldsins á einum og sama staðnum.

Með því að smella hér eða setja inn slóðina www.visir.is/boltavakt opnast Miðstöðin. Þar má fylgjast með öllum leikjunum samtímis sem kemur sér vel í kvöld enda eru fimm leikir á dagskrá í Landsbankadeild karla.

Til að fá nánari upplýsingar um hvern leik fyrir sig og beina textalýsingu frá viðkomandi velli má opna hverja Boltavakt fyrir sig með því að smella á viðkomandi leik hægra megin á síðunni.

Um er að ræða byltingu fyrir íslenska knattspyrnuunnendur sem eiga ekki þess kost að komast á völlinn en vilja fá allar upplýsingar um leikina beint í æð.

Blaðamenn Vísis og Fréttablaðsins verða sem fyrr á öllum leikjum Landsbankadeildarinnar og gera öllum leikjunum góð skil. Viðtöl við leikmenn og þjálfara birtast svo á síðunni fljótlega eftir að leikjunum er lokið.

Þá verða lýsingar Boltavaktarinnar á öllum leikjum sem lokið er á mótinu áfram aðgengilegar á fyrrgreindri slóð.

Fjórir leikir hefjast klukkan 19.15 í kvöld og sá síðasti, viðureign FH og ÍA, klukkan 20.00. Sá leikur verður í beinni sjónvarpsútsendingu á Stöð 2 Sport.

Leikir kvöldsins:

Fjölnir - KR

Breiðablik - Þróttur

Fram - HK

Keflavík - Fylkir

FH - ÍA