Notodden vill kaupa Símun

Norska 1. deildarfélagið hefur áhuga að kaupa færeyska landsliðsmanninn Símun Samuelsen frá Keflavík.

Rúnar Vífill Arnarsson, formaður knattspyrnudeildar Keflavíkur, sagði í samtali við Vísi að viðræður væru í gangi á milli félaganna og að ekkert væri ljóst í þessum efnum. Boltinn væri þó nú hjá norska félaginu.

Keflavík lánaði Símun í ágúst síðastliðnum til Notodden sem hafnaði í níunda sæti deildarinnar.

Símun, sem á íslenska móður, gekk til liðs við Keflavík árið 2005 og hefur síðan þá leikið 41 leik með Keflavík í deild og bikar og skorað í þeim ellefu m örk. Hann skoraði sex mörk í fjórtán leikjum í sumar og þótti standa sig afar vel.