Feitur fimmtudagur á Sýn

Íþróttaáhugamenn fá svo sannarlega nóg fyrir sinn snúð á rásum Sýnar næstu daga. Í kvöld og annað kvöld verður það Meistaradeild Evrópu sem ber hæst, en á fimmtudaginn verður líka mikið fjör á stöðinni. Þar verður boðið upp á leik í Evrópukeppni félagsliða, úrslitakeppnina í Iceland Express deildinni og svo Masters mótið í golfi.

Annað kvöld, miðvikudagskvöld,verður leikur Roma og Manchester United í beinni á Sýn Extra og leikur Chelsea og Valencia á Sýn Extra.

Á fimmtudagskvöldið verður leikur Tottenham og Sevilla í UEFA bikarnum í beinni á Sýn Extra klukkan 18:30 og að honum loknum hefst bein útsending frá Masters-mótinu í golfi.

Á Sýn verður svo bein útsending frá oddaleikjunum í undanúrslitum Iceland Express deildarinnar. Leikur KR og Snæfells hefst þá klukkan 19:15 og verður sýndur beint, en þar verður skipt reglulega yfir til Njarðvíkur þar sem liðið mætir Grindavík. Þegar leik lýkur í DHL höllinni í vesturbænum verður svo boltinn sendur til Njarðvíkur og þeim leik fylgt til loka. Sá leikur hefst klukkan 20.