Skemmta dökkhærðar sér betur?

Það virðist sem ljóst hár sé á undanhaldi í Hollywood. Stjörnurnar lita nú hár sitt dökkt hver á fætur annarri. Sú sem síðast skipti um hárlit var leikkonan Charlize Theron en hún spókaði sig um nýverið með dökka lokka.

Aðrar frægar konur sem farið hafa úr ljósu yfir í dökkt eru söngkonurnar Britney Spears og Pink, leikonurnar ljóshærðu Mena Suvary og Cameron Diaz auk leik- og söngkonunnar Lindsay Lohan.

Það er því spurning hvort að mítan um að ljóskur skemmti sér betur eigi ennþá við rök að styðjast.