Langham á kafi í barnaklámi

Breski leikarinn Chris Langham hefur verið ákærður fyrir að hlaða niður barnaklámi á tölvunni sinni og má hann búast við fangelsisdómi að því er breskir fjölmiðlar segja. Hluti efnisins sem fannst í tölvu leikarans er af grófustu gerð.

Leikarinn viðurkennir að hafa haft barnaklám undir höndum en neitar sök í málinu og segist hafa verið að vinna að gerð heimildaþáttar á vegum BBC.

Langham fékk BAFTA verðlaunin eftirsóttu fyrir hlutverk sitt í þáttunum „Mæðst í mörgu" sem nú eru sýndir í Ríkissjónvarpinu.