Tom Cruise leikur nasista

Leikarinn Tom Cruise ætlar að fara með aðalhlutverkið í nýrri kvikmynd sem gerist í seinni heimsstyrjöldinni. Cruise ætlaði upphaflega aðeins að framleiða myndina og hafði ráðið Bryan Singer, sem leikstýrði meðal annars The Usual Suspects og Superman Returns, til að leikstýra myndinni.

Cruise var aftur á móti svo hrifinn af handritinu að hann vildi leika í myndinni og verður hann því að öllum líkindum í aðalhlutverkinu.

Myndin fjallar um áætlun þýskra hershöfðingja um að myrða yfirmann sinn Adolf Hitler með því að koma sprengju fyrir í sprengjubyrgi hans. Eins og flestir vita gekk það ekki eftir því Hitler batt sjálfur enda á líf sitt í byrginu.