Markalausir í 341 mínútu

Víkingar vonast til þess að finna loksins leið framhjá Fylkisvörninni í leik liðanna í 12. umferð Landsbankadeildar karla í kvöld. Víkingar hafa leikið þrjá deildarleiki í röð og samtals í 341 mínútu án þess að ná að skora hjá Árbæingum. Víkingar komust 1-0 yfir með marki Viktors Bjarka Arnarssonar í leik liðanna 22. ágúst 2004 en Fylkismenn svöruðu með þremur mörkum og hafa síðan bætt við öðrum fjórum í þremur sigurleikjum.

Fylkir hefur unnið fimm leiki liðanna í röð í efstu deild, þar af tvo þá síðustu 1-0, en síðasti sigur Víkinga á Fylki var í Árbænum 11. september 1993.