Innlent

Sigurstranglegur listi að skapast í kvöld

MYND/Heiða
Þetta er sterkur listi, öflugur og samheldinn hópur sem er að skapast hér í kvöld og mjög sigurstranglegur fyrir okkur sjálfstæðismenn í kosningunum 12. maí. Það er mikil nýliðun, gott kynjahlutfalla og þetta er allt til fyrirmyndar hér," sagði Þorgerður Katrín Gunnarsdóttir, varaformaður Sjálfstæðisflokksins og verðandi oddviti hans í Suðvesturkjördæmi eftir að aðrar tölur höfðu borist frá kjörstjórn í prófkjöri sjálfstæðismanna í kjördæminu.

Um hugsanlegt brottfall Sigurrósar Þorgrímsdóttur af þingi, en hún var ekki í hópi þeirra sex efstu þegar búið var að telja 2300 atkvæði, og reyndar heldur ekki þegar búið var að telja 4900 atkvæði, sagði Þorgerður Katrín: „Þetta er öflugur hópur, þetta eru öflugir einstaklingar að sækja inn. Það eru þrjú og við segjum hugsanlega fjögur þingsæti og það eru margir um hitunina í þessu prófkjöri. Og þannig er þetta, þetta verkast þannig, það koma ný andlit inn en fyrst og fremst erum við að móta hérna sterkan lista, samheldinn, sem ætlar sér stóra hluti í kosningunum í vor."

Sigurrós sagði aðspurð í fréttum NFS í kvöld, þegar 2300 atkvæði höfðu verið talin, að staða hennar í prófkjörin kæmi henni sjálfri nokkuð á óvart, „Ég hef fengið mikinn meðbyr," sagði Sigurrós. Aðspurð treysti hún sér ekkert til að segja um framhaldið.

Fréttir Innlent Stj.mál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið