Loach fékk Gullpálmann

Kvikmyndin „The Wind That Shakes the Barley", í leikstjórn breska leikstjórans Ken Loach, fékk Gullpálmann á kvikmyndahátíðinni í Cannes í Frakklandi í gærkvöld. Þetta er í fyrsta sinn sem Loach fær þessi virtu verðlaun en hann hefur sjö sinnum áður átt mynd á hátíðinni. Myndin gerist á þriðja áratug tuttugustu aldar á tímum sjálfstæðisbaráttu Íra en leikarinn Cillian Murphy fer með aðalhlutverkið. Af fleiri verðlaunum á Cannes-hátíðinni í gær vakti einna mesta athygli að sex leikkonur skiptu með sér verðlaununum fyrir bestan leik, en allar léku þeir í mynd hins kunna leikstjóra, Pedro Almodovar, „Volver". Þekktust þessara leikkvenna er án efa hin spænska, Penelope Cruz. Almodovar fékk einnig verðlaun fyrir besta handritið fyrir handrit sitt að myndinni.