Emil og Helgi í byrjunarliði

Eyjólfur Sverrisson hefur tilkynnt byrjunarlið Íslands sem mætir Trinidad í kvöld. Þeir Emil Hallfreðsson og Helgi Valur Daníelsson fá í fyrsta sinn tækifæri í byrjunarliðinu. Leikurinn fer fram á Loftus Road í London og hefst klukkan 19:30. Sýn verður með beina útsendingu frá leiknum.

Árni Gautur Arason stendur í markinu. Bakverðir eru Helgi Valur Daníelsson og Indriði Sigurðsson. Miðverðir eru Hermann Hreiðarsson og Ívar Ingimarsson. Grétar Rafn Steinsson og Emil Hallfreðsson eru kantmenn og Jóhannesk Karl Guðjónsson og Stefán Gíslason eru miðjumenn. Framherjar eru Heiðar Helguson og fyrirliðinn Eiður Smári Guðjohnsen.