Allt getur gerst ennþá

Sir Alex Ferguson stjóri Manchester United segir að Chelsea sé enn nokkuð frá því að tryggja sér enska meistaratitilinn þó forskot liðsins sé vissulega gott og bendir á að ef til vill styttist í að Jose Mourinho hætti að gorta.

"Við erum orðnir vanir því að Mourinho sé að spila með okkur, en kannski sér fyrir endann á því. Það getur vel verið að Chelsea tryggi sér meistaratitilinn þann 9. apríl eins og hann segir, en það er mikið af stigum í pottinum ennþá og því getur allt gerst enn," sagði Ferguson.