Ívar og Jói Kalli í byrjunarliðum

Jóhannes Karl Guðjónsson er í byrjunarliði Leicester City sem mætir Wolves í ensku Championship deildinni (B-deild) í fótbolta í dag en hefur nú lokið við að taka út tveggja leikja bann. Ívar Ingimarsson er í byrjunarliði Reading sem heimsækir Crewe en Brynjar Björn Gunnarsson er á varamannabekk Reading.

Gylfi Einarsson er ekki í leikmannahópi Leeds sem tekur á móti QPR en miðjumaðurinn Liam Miller sem Leeds fékk lánaðan frá Man Utd á dögunum er í byrjunarliðinu á miðjunni. Að lokum er Hannes Sigurðsson á varamannabekk Stoke sem tekur á móti Preston.

Kl. 17:15 í dag hefst leikur Man Utd og Fulham í ensku úrvalsdeildinni og er fastlega búist við því að Heiðar Helguson verði í byrjunarliði Fulham.