Owen gæti snúið aftur gegn Chelsea

Glenn Roader, stjóri Newcastle, segir að svo gæti farið að Michael Owen yrði búinn að ná sér af meiðslum sínum fyrir leikinn gegn Chelsea í fjórðungsúrslitum enska bikarsins í næsta mánuði, en upphaflega var óttast að Owen kæmi ekki til baka fyrr en í apríl vegna fótbrots sem hann hlaut á gamlársdag.

"Michael hefur litlar áhyggjur af endurhæfingunni, því hún hefur gengið vonum framar og allt virðist vera að gróa vel saman. Hann er nú byrjaður að skokka rólega og finnur ekki fyrir neinu," sagði Roader.