Vill fá Owen aftur á Anfield

Steven Gerrard hefur viðurkennt að hann sakni Michael Owen sárt og segir að Liverpool vanti einmitt framherja á borð við Owen, þar sem liðinu hefur gengið afleitlega að skora að undanförnu.

"Ég þekki Michael mjög vel og ég veit fyrir víst að hann vildi helst koma aftur til Liverpool þegar hann sneri aftur til Englands. Ég væri að ljúga ef ég segði að við hefðum ekki not fyrir hann hjá Liverpool. Okkur vantar sannan markaskorara og Owen hefur sannað það í öllum keppnum að hann skorar alltaf mörk," sagði Gerrard og sagði að það hefði allan tíman verið ákvörðun forráðamanna Liverpool að fá Owen ekki aftur á Anfield, því leikmaðurinn sjálfur hefði haft fullan áhuga á því.