Baldasano ætlar að ráða Eriksson

Arturo Baldasano, sem býður sig fram í embætti forseta Real Madrid í annað sinn, segist hafa gert munnlegt samkomulag við Sven-Göran Eriksson um að taka við knattspyrnustjórastöðunni hjá félaginu, nái kann kosningu.

Baldasano tapaði stórt fyrir Florentino Perez í kosningunum árið 2004, en ætlar sér stóra hluti í þetta sinn. "Samstarfsmenn mínir hafa þegar rætt við Eriksson og hann ætlar að taka við stjórn liðsins ef ég verð kjörinn forseti," sagði Baldasano. Forsetakosningarnar fara fram þann 2. júlí næstkomandi.