Liverpool og Blackburn skildu jöfn

Leikjunum sex sem hófust klukkan 14 í ensku úrvalsdeildinni er nú lokið. Liverpool þurfti að sætta sig við 1-1 jafntefli gegn Blackburn á heimavelli sínum, en Arsenal vann auðveldan sigur á Watford 3-0.

Portsmouth skaust í annað sætið með 2-0 sigri á lánlausu liði West Ham þar sem Kanu og Andy Cole skoruðu mörk Portsmouth. Tottenham náði ævintýralegu jafntefli við Aston Villa á útivelli 1-1, þar sem Pablo Angel skoraði brenndi af vítaspyrnu fyrir Villa og skoraði svo sjálfsmark í næstu sókn á eftir þegar Tottenham var aðeins með 10 menn inni á vellinum. Gareth Barry jafnaði með glæsilegu skoti fyrir heimamenn.

Middlesbrough færði Everton fyrsta tapið á leiktíðinni með 2-1 sigri á heimavelli sínum og Manchester City og Sheffield United skildu jöfn 0-0. Markaskorara dagsins er hægt að sjá á Boltavaktinni hér á íþróttasíðunni.