Jafnt hjá KR og Val

KR-ingar og Valsmenn gerðu 1-1 jafntefli í Vesturbænum í kvöld í lokaleik 9. umferðar í Landsbankadeild karla í knattspyrnu. Baldur Aðalsteinsson kom Val yfir í fyrri hálfleik með laglegu skoti, en Björgólfur Takefusa jafnaði fyrir KR í þeim síðari.

Keppni í Íslandsmótinu er því hálfnuð og eru KR-ingar í fimmta sæti deildarinnar með 13 stig eins og Fylkir og Grindavík, en Valsmenn eru í sætinu fyrir neðan með 12 stig.

Íslandsmeistarar FH eru með 9 stiga forystu í efsta sætinu, en Skagamenn sitja á botninum með 6 stig.