Atvik á Anfield í rannsókn

Enska knattspyrnusambandið hefur ákveðið að hefja rannsókn á því hvort hlutum var kastað inn á völlinn þegar Frank Lampard fagnaði marki sínu úr vítaspyrnu í leik Liverpool og Chelsea um helgina. Lampard fékk að líta gula spjaldið fyrir að storka áhorfendum Liverpool þegar hann fagnaði marki sínu úr vítaspyrnu, en honum verður ekki refsað frekar. "Dómarinn minntist á að hlutum hefði verið kastað inn á völlinn og farið verður yfir myndbandsupptökur af leiknum til að ganga úr skugga um það," sagði í yfirlýsingu frá knattspyrnusambandinu.