Breyting á kvennalandsliðinu

Jörundur Áki Sveinsson landsliðsþjálfari kvenna í knattspyrnu hefur orðið að gera eina breytingu á landsliðshópi sínum vegna leiks Íslendinga og Hvít Rússa í undankeppni heimsmeistaramótsins. Katrín Jónsdóttir getur ekki tekið þátt í leiknum vegna meiðsla. Í hennar stað kemur Gréta Mjöll Samúelsdóttir úr Breiðabliki en hún er nýliði í landsliðinu. Ásthildur Helgadóttir fyrirliði landsliðsins skoraði tvö mörk í gærkvöldi þegar lið hennar Malmö sigraði AIK fimm-eitt í sænsku úrvalsdeildinni. Ásthildur hefur nú skorað 10 mörk í sænsku deildinni.