Aldrei fleiri fermingabörn

93 börn fermdust borgaralegri fermingu í Háskólabíói í gær og hefur fermingahópurinn aldrei verið fjölmennari. Fermingin fór fram í stærsta sal Háskólabíós. Borgaraleg ferming hóf göngu sína á Íslandi árið 1989 og á síðastliðnum 17 árum hafa 755 börn tekið þátt í undirbúningsnámskeiði Siðmenntar, sem sér um fermingarnar. Um 9000 manns hafa sótt lokaathafnir á þessum tíma en athöfnin er haldin að námskeiði loknu og taka fermingabörn virkan þátt í henni með tónlistarflutningi, ljóðalestri og ávörpum.