Bálreið út í gamla kærastann

Charlotte Church er bálreið út í fyrrverandi kærasta sinn, Kyle Johnson, og hefur hreytt því í hann að hann skuli fá sér vinnu. Hún segir hann algjöran aumingja og varð brjáluð þegar hann seldi breskum fjölmiðlum upplýsingar um kynlífsleyndarmál þeirra eftir sambandsslit þeirra. Hún kýldi hann í andlitið þegar hún sá hann á veitingastað nokkrum dögum seinna. "Mér verður óglatt af að heyra hversu mikið blöðin borguðu honum. Af hverju fær hann sér ekki bara vinnu?!" sagði söngkonan hneyksluð.