Fær ekki að hitta Fischer

Sæmundur Pálsson, vinur Bobbys Fischers, fær ekki að hitta Fischer í dag en honum og unnustu skáksnillingsins var meinað að heimsækja hann þar sem hann er í haldi yfirvalda í innflytjendabúðum í Japan. Páll Magnússon, sem er með Sæmundi í för í Japan, sagði í samtali við fréttastofuna í morgun að fangelsisyfirvöld ytra hefðu ákveðið seint í gærkvöldi að heimila ekki heimsókn í dag af öryggisástæðum og er því enn óljóst hvort eða hvenær Sæmundur fær að hitta Fischer.