Metanvörubílar teknir í notkun

Tveir nýir vörubílar sem ganga fyrir metangasi voru teknir í notkun í gær. Annar þeirra, af gerðinni Mercedes Benz Econic er í eigu GT verktaka og er fluttur inn af Ræsi hf. Hann mun flytja úrgang fyrir Sorpu frá móttökustöð í Gufunesi til urðunar í Álftanesi. Hinn er af gerðinni Ford F450, í eigu Efnamóttökunnar hf. og fluttur inn af IB Bílum hf. á Selfossi. Hann mun flytja spilliefni frá endurvinnslustöðvum Sorpu til Efnamóttökunnar hf. Einnig mun hann þjóna þeim viðskiptavinum Efnamóttökunnar sem óska eftir söfnunarþjónustu. Til gamans má geta þess að fyrri bíllinn sé sjálfbær, metangasið sem bílarnir keyra á er unnið í Álfsnesi úr þeim úrgangi sem hann flytur þangað fyrir Sorpu.