Vélamiðstöðin seld

Íslenska gámafélagið ehf. hefur keypt Vélamiðstöðina ehf. af Reykjavíkurborg og Orkuveitu Reykjavíkur. Kaupverðið var 735 milljónir króna en auk þess tekur kaupandi yfir skuldir Vélamiðstöðvarinnar og lífeyrisskuldbindingar vegna starfsmanna. Íslenska gámafélagið reiknar með óbreyttum rekstri fyrirtækisins í nánustu framtíð en kaupendur sjá hins vegar möguleika á samlegðaráhrifum með öðrum skyldum rekstri sem þeir hafa með höndum. Reykjavíkurborg tekur einnig á sig auknar skyldur hvað varðar forgang starfsmanna Vélamiðstöðvarinnar til starfa hjá borginni komi til uppsagna í kjölfar eigendaskipta að fyrirtækinu.