Járnblendifélagið að semja um kjör

Samninganefnd starfsmanna Íslenska járnblendifélagsins skoðar tillögu að kjarasamningi sem nefndin fékk í hendur síðasta föstudag. Vilhjálmur Birgisson, formaður Verkalýðsfélags Akraness, segir samningnum ekki hafa verið hafnað: "En það eru nokkur atriði sem menn vilja fá svör við." Á vef Verkalýðsfélagsins stendur að komið sé verulega til móts við kröfur sem trúnaðarmenn og stéttarfélögin lögðu upp með. Fyrri samningurinn rann út 1. desember. Fundað verður 4. janúar.