Feðgar dæmdir fyrir hasssmygl

Fjórir karlmenn voru dæmdir í fjögurra til tuttugu mánaða fangelsi í dag fyrir innflutning á fimmtán kílóum af hassi. Tveir hinna dæmdu eru feðgar. Hassið var flutt til landsins í þremur ferðum. 2 kíló komu í varadekki bíls sem kom með Norrænu. En 5 og síðar 8 kíló sem falin voru í hjólbörðum sem fluttir voru til landsins með Dettifossi og Goðafossi. Sá sem þyngsta dóminn hlaut, liðlega tvítugur, var sakfelldur fyrir að flytja inn 8 kíló af hassi og var hann dæmdur í 20 mánaða fangelsi. Þá voru 2,8 milljónir króna sem haldlagaðar voru hjá honum ágóði af fíkniefnaviðskiptunum, gerðar upptækar. Faðir hans, sem er tæplega fimmtugur, var sakfelldur fyrir að leyfa syni sínum að hafa fíkniefnasendingu á sínu nafni og var hann dæmdur í 4 mánaða skilorðsbundið fangelsi. Þá voru tveir aðrir liðlega tvítugir karlmenn dæmdir í 8 mánaða fangelsi hvor fyrir þátttöku í málinu og 1,1 milljón sem haldlögð var hjá öðrum þeirra og talin gróði af smyglinu, gerð upptæk.