Byggðist á gömlum gögnum

Yfirvöld í Bandaríkjunum gáfu út öryggisviðvörun vegna hryðjuverkahættu sem byggðust á þriggja ára gömlum upplýsingum. Samkvæmt tilkynningu frá heimavarnarráðuneytinu var talið að hryðjuverkamenn hyggðu á árás á fjármálastofnanir í New York og Washington. Öryggisgæsla í kringum fjármálastofnanir voru hertar verulega í kjölfar viðvörunarinnar. Götum var lokað og vopnaleit var ströng í anddyrum fjármálastofnana og grennd. Nú hefur komið í ljós að ekkert bendi til þess að hætta á árásum á fjármálastofnanir séu meira yfirvofandi nú en áður. Embættismenn segja í samtali við New York Times að þeir skilji lítið í því af hverju gripið hafi verið til þess að lýsa yfir sérstöku hættuástandi. Upplýsingar um að meðlimir al Kaída hafi njósnað um og rannsakað fjármálastofnanir eru fengnar af tölvugögnum samkvæmt vitnisburði pakistansks tölvuverkfræðings en gögn hans voru þriggja ára gömul. Gögnin fundust í áhlaupi á skjólshús hryðjuverkamanna þar sem verkfræðingurinn og gögn hans voru haldlögð.