Þrír biðu bana á Gaza

Þrír Palestínumenn biðu bana í dag, þegar sprengja sem þeir hugðust granda ísraelskri jarðýtu með, sprakk í höndunum á þeim. Sprengingin varð í Rafha flóttamannabúðunum, á Gaza svæðinu, og dæmigerðar fyrir það sem gerist á nær hverjum degi, einhversstaðar á sjálfstjórnarsvæðum palestínumanna. Eftir sprengjuárásir á ísraelska hermenn, sendu Ísraelar lið inn í Rafha til þess að leita tilræðismannanna. Þeir höfðu meðal annars með sér risastóra jarðýtu sem var notuð til þess að jafna sex hús við jörðu, og grafa upp jarðgöng sem notuð eru til þess að smygla vopnum frá Egyptalandi. Hundruð slíkra ganga eru á Gaza, sérstaklega í Rafha, sem er á landamærum Gaza og Egyptalands. Íbúar í nálægum húsum voru úti í gluggum of sveifla hvítum veifum, í örvæntingu, til marks uppgjöf. Börn og unglingar fylgdust með jarðýtunni, og innan um þau voru vopnaðir menn með lambúshettur, því það var þar sem þeir leituðu skjóls eftir árásir sínar á Ísraela. Þetta vita Ísraelar og treysta hvorki hvítum fánum, né rauðum krossum á sjúkrabílum, sem einnig eru notaðir til liðs- og sprengjuflutninga.