Ráðstefnu í Írak frestað

Landsráðstefnu Íraka, sem átti að hefjast á morgun, hefur verið frestað um tvær vikur eftir að bílsprengja varð 70 manns að aldurtila á miðvikudag. Ráðstefnan er talinn mikilvægt skref í þróun Íraks í lýðræðisátt. Skipulag ráðstefnunnar hefur hingað til einkennst af ringulreið og ráðleysi, þar sem ýmsir pólitískir hópar ætla að sniðganga hana og leiðtogar mismunandi svæða geta ekki fallist á hversu marga erindreka þeir eigi að senda. Íraskir ráðamenn fullyrða að bílsprengjan sé ekki ástæðan fyrir því að ráðstefnunni var frestað eins og marga grunar.