Búið að brenna hræin

Búið er að brenna hræin af hrossunum fjórum sem drápust úr miltisbrandi á jörð Sjónarhóls á Vatnsleysuströnd. Ekki er enn vitað hvernig miltisbrandur barst í hrossin. Starfsmenn frá embætti yfirdýralæknis hafa verið að taka sýni af vatni á jörð Sjónarhóls og verða þau notuð til þess að finna hvar miltisbrandurinn átti upptök sín. Miltisbrandur er bráð baktería sem oftast veldur dauða. Öll dýr með heitt blóð geta fengið þessa bakteríu, þar með talin mannskepnan. Smit verður þó yfirleitt aðeins með því að sýkt dýr eru meðhöndluð. Smit milli dýra eru afskaplega sjaldgæf og sjúkdómurinn smitar ekki manna í milli.