Boxari handtekinn fyrir nauðgun

Boxarinn Ricardo Mayorga var handtekinn í Managua í Níkaragúa eftir að tvítug kona kærði hann fyrir árás og nauðgun. Mayorga, sem er fyrrverandi heimsmeistari í fluguvigt, er sagður hafa lokkað konuna inn á hótelherbergi á miðvikudaginn þar sem hann hafi komið fram vilja sínum við hana. Hann hefur neitað allri sök. Málið gæti haft áhrif á bardaga Mayorga við Felix Trinidad sem fer fram í New York 2. október. Að sögn lögfræðingsins Sergio Morales, sem mun verja boxarann ef til réttarhalda kemur, mun Mayorga halda aftur til Bandaríkjanna innan tíðar til æfinga fyrir bardagann.